PAPUADALAMBERITA. CARIKATUR: rusdi anwar
PAPUADALAMBERITA.COM. MANOKWARI – Adakah….? barang yang lebeh berguna kalo su picah, tanya Pace Gober sendiri dengar Mace pu pertanyaan kelemarin.
Baca juga: PUTAR PAPEDA (4): Dong Upacara Juga
Pace pikir-pikir, semua barang yang su picah pastiu tra berguna lagi. Contoh; piring, gelas, mangkuk dan lain sebagainya. Hati saja kalo su pucah alias patah hati pastisu tra karuan. Malah ada yang bunuh diri gara-gara dia pu hati su picah.
“Mace…….mana ada barang yang masih berguna kalo su picah,’’tantang Pace Gober deng sedikit emosi karena lama cari dia pu jawaban.
“Ada toooo………………….kalo ko menyerah,nanti sa kaseh tau e…….”kata Mace deng senyum-senyum.
“Sebenarnya sa tra menyerah, tapi apa boleh buat, ko kaseh tau saja……”Pace Gober su KO.
Mace tertawa karena merasa menang. “Dia pu jawaban gampang saja. Dantiap hari sa bekeng itu barang, sa kaseh picah terus dan sa tra hitung lagi……..”
“Ah, ko jawab cepat saja. Jang bekeng sa emoti o…….”
Mace lalu kasehtau, “Coba ko lia dolo. Kalo mau goreng telur pasti kaseh picah dolo, tooooo…Jadi biar picah telur juga maseh berguna. Hehehe………………”
Pace pu perasaan saja……. macam mau terkam Mace saja, Tapi tra berani sebab Mace lebeh berkuasa di rumah.
“Sudah….. sa mo keluar dolo, “kata Pace mau angkat kaki tapi Mace tegur deng keras. “Pace ko itu tra sadar-sadar, kaaa……..? Ko di rumah saja, lebeh aman. Dan kalo ko mau keluar, haruspake masker dolo. Apa ko tra dengar deng baca kaaaa………Kalo penderita korona terus bertambah. Kitorang di Papua Barat juga harus tau,toooo……”nasehat Mace.
Terpaksa Pace tra jadi pergi. Pace ne duduk di para-parasamping rumahlalu telpon Tete Banus.
“Ko datang sini e……sa tunggu. Tra pake lama, o……”ancam Pace deng gaya pejabat.
“Booooo………..tra bisa, sobat. Sa adaiko acara deng Bapak Gubernur deng Wakil Menteri Agama. Ini dong resmikan Gedung MUI yang baru,”jelas Tete Banus.
“Adoooo………………sa ketinggalan gara-gara Mace ini bekeng soal deng telur picah.Tapiya sudah biar Tete yang mewakili saja……”
Memang itu hari Bapa Gubernur Papua Barat deng Wakil Menteri Agamadi Kota Manokwariada resmikan Gedung Baru MUI. Bapa Wakil Menteri memang kaseh nae jempol buat Bapa Gubernur . Itu karena di Papua Barat ini bisa jadi laboratorium kerukunan umat beragama.
“Ini bisa jadi contoh untuk kota-kota lain. Bukan cumabicara-bicara saja, tapi ada interaksi,”puji Wakil Menteri Agama. Itu yang bekeng Tete jadi banggadan bisa dengar sendiri dari pejabat.
“Ternyata kitorang di Manokwari dan Papua Barat, bukan kacang-kacang, “komentar TeteBanus waktu baku dapa deng Pace Gober.
“Dari dolo……Memang su hebat, ooo……………….. Sa bangga jadi penduduk Manokwari. Sa bangga jadi anak Papua Barat.Trada yang blok…! ”sambung Pace sambil panggil Tete naik di para-para.
“Tete, ko nae sini dolo………..Tadi Mace ada putar papeda deng ikan masak kuning tambah bunga pepaya.Pokoknya kitorang sikat dolo. barang apa jadi.”Dorang dua laluserbu itu papeda yang maseh panas-panas. Ancooooor !.(rusdi anwar)
Respon (3)